ಭಾಷೆಯ ಸ್ವರೂಪದ ಸಾಮಾನ್ಯ ಸಂಗತಿಗಳನ್ನು ಅರ್ಥಮಾಡಿಕೊಳ್ಳಲು ನಮಗಿರುವ ಪ್ರಮುಖ ಸಾಧನವೆಂದರೆ ವ್ಯಾಕರಣವೇ ಆಗಿದೆ. ಶಬ್ದಗಳ, ಶಬ್ದಗಳಿಂದ ರೂಪಿತವಾಗಿರುವ ವಾಕ್ಯಗಳ ರಚನೆ, ಸ್ಥಾನ ಮತ್ತು ಪ್ರಯೋಜನಗಳನ್ನು ಕುರಿತು ಇಲ್ಲಿ ವಿಶದವೂ ವ್ಯಾಪಕವೂ ಆದ ವಿವರಣೆಯಿರುತ್ತದೆ.

ವ್ಯಾಕರಣವನ್ನು, ತಪ್ಪಿಲ್ಲದೆ ಮಾತಾಡುವುದಕ್ಕೂ ಬರೆಯುವುದಕ್ಕೂ ಅನುಸರಿಸಬೇಕಾದ ನಿಯಮಗಳನ್ನು ವ್ಯವಸ್ಥಿತವಾಗಿ ನಿರೂಪಿಸಿರುವ ಕೈಪಿಡಿಯೆಂದು ಬೇಕಾದರೆ ತಿಳಿಯಬಹುದು ; ಅಲ್ಲದೆ ಭಾಷೆಯ ಸ್ವರೂಪವನ್ನು ತಿಳಿಯಲೂ ವಿವರಿಸಲೂ ಬೇಕಾಗಿರುವ ಪರಿಭಾಷೆಯನ್ನು ಇದರಲ್ಲಿ ಒಂದು ಗೊತ್ತಾದ ಕ್ರಮದಲ್ಲಿ ನಿರೂಪಿಸಿರುತ್ತದೆ.

ಈ ಪರಿಭಾಷೆಯನ್ನು ಉಪಯೋಗಿಸಿಕೊಂಡು ನಾವು ನಮ್ಮ ಮಾತು ಬರೆವಣಿಗೆಗಳ ಉತ್ಕೃಷ್ಟವಾದ ಮಾದರಿಗಳನ್ನೂ ಕುಂದು ಕೊರತೆಗಳನ್ನೂ ಗುರುತಿಸಬಹುದಾಗಿದೆ. ಸಮೂಹ, ಸ್ಥಳ ಮೊದಲಾದುವು ಕಾರಣವಾಗಿ ಪ್ರಚಲಿತ ಭಾಷೆಯಲ್ಲಿ ನಾಂಶಗಳನ್ನೂ ಭಿನ್ನತೆಗಳನ್ನೂ ಗಮನಿಸಿ, ನಮ್ಮ ಭಾಷೆಯ ವ್ಯಾಪ್ತಿ ಸತ್ತ್ವ ಸಾಮರ್ಥ್ಯಗಳನ್ನೂ ಪರಿಚಯ ಮಾಡಿಕೊಳ್ಳುವುದು ಸಹ ಸಾಧ್ಯವಿದೆ.

“ಭಾಷೆಗೆ ಸಂಸ್ಕಾರವನ್ನುಂಟು ಮಾಡುವ ನಿಯಮಾವಳಿಗಳಿಗೆ ವ್ಯಾಕರಣ ಎಂದು ಹೆಸರು”

ಯಾವ ಭಾಷೆಯನ್ನಾದರೂ ಶುದ್ಧವಾಗಿ ಪ್ರಯೋಗ ಮಾಡಬೇಕಾದರೆ ಆ ಭಾಷೆಯ ವ್ಯಾಕರಣ ಪರಿಚಯ ಅತ್ಯಾವಶ್ಯಕ. ವ್ಯಾಕರಣ ಜ್ಞಾನವಿಲ್ಲದೆ ಭಾಷೆಯ ಅಧ್ಯಯನ ಪೂರ್ಣವಾಗದು. ಭಾಷೆಯ ಅಧ್ಯಯನದ ಆರಂಭದಲ್ಲಿ ಪ್ರಯೋಗಗಳ ಮೂಲಕ ವ್ಯಾಕರಣದ ಅರಿವನ್ನುಂಟುಮಾಡಿದರೂ ಮುಂದೆ ಸಕ್ರಮವಾಗಿ ವ್ಯಾಕರಣ ಶಾಸ್ತ್ರದ ಪರಿಚವನ್ನು ಮಾಡಿಸುವ ಅವಶ್ಯಕತೆಯಿದೆ.

ಈ ದೃಷ್ಟಿಯಿಂದ ನಮ್ಮ Website: Kannadagrammar.in ವ್ಯಾಕರಣ ಶಾಸ್ತ್ರದ ಮುಖ್ಯ ವಿಷಯಗಳನ್ನು ಅಳವಡಿಸಲಾಗಿದೆ. ಈ ನಿಟ್ಟಿನಲ್ಲಿ ಕನ್ನಡ ವ್ಯಾಕರಣವು ಹೊಂದಿರುವ ಹಲವು ಅಂಶಗಳನ್ನು ಇಲ್ಲಿ ಸವಿವರವಾಗಿ ನೋಡಬಹುದು.

ಕನ್ನಡ ಬೆಳೆಸಿ, ಕನ್ನಡ ಉಳಿಸಿ. 
ಕನ್ನಡಾಂಬೆಯ ಚರಣಗಳಿಗೆ ಸಾಷ್ಟಾಂಗ ಸಮನಗಳು

WWW.KANNADAGRAMMAR.IN